Tura, July 1, 2022: Garoland State Movement Committee (GSMC) HQ, Tura Garo Hills-ni adhoc skulo skigiparangni man•na nangenggipa dormaharangko on•china dabianio chu•gimik chakpaaniko on•ataha.
Adhoc skulo skigiparang ru•uta bilsirangna duk chake, bi•sarangna skie ong•engoba, Meghalaya sorkari skigiparangni dabianiko dal•e ra•ja aro knachakgija dongenga.
Uni a•sel Garo Hills-ni skul bi•sarang skie ra•anio maming namdapani aro tang•doaniko man•jaenga. A•songo skigiparang gri maming saloba skie ra•anio dingtanganiko man•jawa. Uni gimin Meghalaya sorkari skigiparangko mande ra•na nangchongmota aro uamangni dabiako ta•rake chu•sokatna nangchongmota ine GSMC dabiangpaha. Skigiparang an•tangtangni man•gnina dabie bi•sarangni jadoko ra•na sienggipa porikarangko dontongate sorkarini kosako jingjengataniara, Meghalaya sorkarini ku•rachakatangko chu•sokatjaengni gimin ong•enga ine GSMC HQ-ni Assistant General Secretary Cyril A.Sangma ine janapataha.
A•chik A•songo skigiparang kamtangtangko dontonge jingjengatanichi skulo poraienggipa bi•sarangna dal•bea gimaani ong•engaha. Uni gimin a•dok sorkari skigiparangni dukko ma•sichakna aro skul bi•sarangni gimin chanchie skgiparangni dabiako sorkari ta•rake chu•sokatchina GSMC dabiangpaaha.