GHYO, WGH a•jani DC-na lekka sedoata

0

Tura, April 6, 2022: Garo Hills Youth Organisation (GHYO) Sombar salo West Garo Hills a•jani Deputy Commissioner Ram Singh-na lekka sedoatenba WGH a•jani a•kawe jolrango niam gri jillanirangko aro unbaksana gipin bosturangko badingsrikatengani gimin badi ka•e lekka sedoataha.

“A•kawe jolo donggipa bang•a manderang matchurangko ja•achi moe bading chiwalan baksana garirangoba gate bading chiwalenga aro sorkarina gamna nangenggipa tax-rangkoba gamjaenga. Uamang Prevention of Cruelty to Animals Act 1960 aro gipin act-rangni bidingo mamingkoba ma•sijae matchurangko gario nangana batpile gate salenga. Matburingrang ku•sik agana man•pajae manderangni jakchi kal•stekako aro ka•namgija jakkalaniko man•enga. Supreme Court Animal Welfare Board of India Vs Nagaraj case-o jinmana u•iatani gitade janggi gnanggipa pilakan a•songni Article 21-ni ning•o ga•aka aro janggi ine agangenchimode ian mandeni janggikosan miksongja, indiba janggi gnanggipa pilak matburingrangkoba miksonga” ine GHYO janapataha.

Bang•a a•kawe jolni manderang Assam a•dokoni matchurangko Tikrikkila songona ra•bae uko Tikrikkila-oni Singgimari, Halkidayganj songrangona ja•achi ba garirango matchurangna maming ka•sachakani gri gapkete salangenba bading chiwalenga. Uamang Prevention of Cruelty to Animals ( Transport of Animals on Foot) 2009 Act-ko maming dakeba ja•rikja. Uamang matchurangko Assam a•dokoni Singimari, Halkidayganj songrangona ra•angon Cattle Tax Collection Entry Point Tikrikkila, Nidanpur, Chibinang, Phulbari, Koylaghat, Gudibala, Rajpur, New Baitbari aro bang•a napram cholgugarango Prevention of Cruelty to Animals Act-ko manigija matchurangko ka•saninggija bading chiwalronga.Prevention of Cruelty to Animals Act 1960-ni ning•o donggipa Section 11-o janapani gita, matburingrangko gario gate ra•angengon uamangko maming dakeba sa•dikatna ba neng•nikanirangko on•na man•jawa, ian matchurangko pick up gari ba truk garirango gitikna man•pilgija gapkete salruraaniko miksonga. A•songo matburingrangko ka•sae name jakkalangchina bang•a Act-rangko sorkari ra•gataha, indiba bang•a changon mande uko ja•rikna gualchanga.
Uni gimin, GHYO, WGH a•jani Deputy Commissioner-ko gronge ia obostarangni bidingo sing•sandie matchu badinganirangko aro uamangko ka•saninggija jakkalanina ja•ku de•angchina mol•molangaha.

Leave A Reply

Your email address will not be published.