Chang 42-gipa BJP dolni Foundation Day-ko manianga
Tura, April 6, 2022: BJP dolni chang 42-gipa Foundation Day-ko Meghalaya BJP, Meghalaya a•dokni pilak a•jarangon maniangaha ine u•iataha.
Ia Foundation Day-ko maniani salo Meghalaya a•dokni BJP dilgiparang baksa gitcham minister AL Hek, Jaintia aro Garo Hills-ni MDC-rang, BJP-ni membor-rang apsan bakko ra•e Shillong BJP Office-o maniangaha.
Ia chang 42-gipa Foundation Day-ko maniao AL Hek, Tura-ni MDC Bernard N.Marak aro David Kharsati BJP dolni gimin aganangtokaha.
Unbaksana Prime Minister Narendra Modi aro National President JP Nanda ia Foundation Day-ko maniao mongsonggipa ba Virtual speech-ko on•ataha.Uamang BJP-ni gimin aganatengon, India a•songo manderangna dangdike on•anio aro songsalni pilak kamrango BJP dolan nambatsranggipa ong•a ine agan janapataha.
BJP sorkari Meghalaya a•doko je scheme-rangkon a•bachengate on•ahachim, uarangko kakket aro bebeo ka•donga gnangsa on•ataha. Indake Karyakartas-ni bang•a dingtang dingtang kamrangko manderangna u•iate grassroot level-oni ia scheme-rangko a•bachengatgen ineba parakataha.