Tura, December 4, 2022: Bharatiya Janata Party (BJP)-ni State Vice President Bernard N. Marak, NPP dolni dilgipa Dr Kharluki-ni agangipa kattarangko jegalenba BJP dolko bilgria gita nikama ine sing•doangaha.
“Re•anggipa 2018 bilsio NPP dol BJP dol baksa melie sorkariko rikna cholko man•anina anga uamangna kusi ong•chaka. Indake 2013 bilsio uamang sakgni MLA-rangsan gnangchim, indinne ma•mong BJP sorkari uamangna chu•gimik dakchakaniko on•ani a•selsa da•alo sorkariko rikna gita cholko man•aha. A•dokni politically tang•dodapaniko ma•mong sorkarini Central Team nirokenga, uni gimin 2023 bilsio mai ong•gen uko somoian aganaigen. Sorkariko rikani bidingo darangba agansona man•ja” ine Bernard Marak janapataha.
Dr Chuba Ao-ni agangipa kattarangna chakenba, a•dokni bang•a Department-rango tangka paisarang gimaani ba tik ong•jani bidingo Central Agency-rang sing•sandianiko daknaba donga. BJP dol sorkariko rikanichisa a•dokni corruption-ko bon•atna gita amgen. Madhya Pradesh, Maharashtra aro uandake bang•a a•dokrango BJP dol sason ka•anichi a•doko tang•dodapaniko nikna man•genchimode, Meghalaya a•dokba sorkariko rikna cholko on•na nanga. NPP sorkari Meghalaya a•dokni a•palo kam ka•na miksonge tang•dodapaniko ra•bagen ine agangipa kattarangko bebe ra•na nangja. A•dokni bang•a Department-rang dormaharangko somoi gita man•jaenga aro Socia-Economic Development-ni fund-rangko a•dokni a•palchisa uamangni kamna watatenga. Uni gimin NPP dolna badia dolni dilgiparang dakchakenga aro fund-rangko sokatenga, iani bidingo chanchichenggija BJP dolko bilgrigipa ine agananiara dal•bea gualani ong•chongmota ineba agan janapataha.
“Conrad Sangma-ni dilanichi rikenggipa MDA sorkarini kakketko jinmana parakna jotton ka•genchimoba, changsaba jera ra•grikna re•baja aro ka•dongja. An•ching u•ie ra•na, MINORITY SCHEMES, PMGSY, KISHAN, LABOUR, FOCUS, FOCUS + ARO YESS ia program-rangnaba BJP dolsa fund-rangko sokatenga ” ine parakataha.