GHADC-ni gimagipa Museum-ko gipin biaponiko nikpila: Bernard Marak

0

Tura, May 31, 2022: Tura-ni MDC Bernard N.Marak (Rimpu) Tribal Research Institute (TRI)-ni building-kosa gimagipa GHADC Museum-ni palo nikeskaha ine parakataha.

“Chingni RTI ka•e sing•sandianina aganchakaniko on•ani ja•mano chinga gimagimin GHADC-ni Museum-ko nina gita uamangni u•iatgipa a•damona re•angaha, indiba ua nokkapo Museum-ni pal Tribal Research Institute-kosa rikskaenga ine nikna man•aha. NPP dolchi rikenggipa MDA sorkari GHADC Museum-ni biapo Tribal Research Institute (TRI)-nasa buildingko rikskaenga. Indide maikai MDA sorkari ma•mong sorkarini on•atgipa Project ge•gnikon matchote rikmanaha ine ma•mongni dilgiparangna tol•e u•iataha ine Bernard Marak sing•doangaha. RTI-o janapani gitade, GHADC-ni Museum-ko New Tura Sunny Hills-osa rikani ong•achim, indiba Thomas Sangma-ni North Tura elakkao donggipa Babadam sepang Chidekgre songosa rikskaenga. Indiba ua a•damo Museum-ni mingsaba chin aro nissan dongja. Chidekgre songo donggipa buildingkon MDA sorkari GHADC-ni Museum ine tol•e TRI-ko mesoskaenga. Indake cha•bokgipa Engineer-rangko Sonani Jaksanko Ganate ba Handcuff Patte Pattoko donatna nanga” ine Bernard Marak janapataha.

Baditana a•dok sorkariko chalaienggipa NPP dolni manderangara ma•mong sorkarini watatenggipa Development Scheme-ni tangkarangko oktangna chimonge ra•gen ineba sing•doangaha.

Da•ona kingkingba MDA sorkari CBI enquiry-ko jechakkugenma. GHADC Museum dongjagenchimode, GHADC-ni dilgiparanga maikai, Utilisation Certificate (UC)-ko tarigen. Cha•bokatangko donnue baditana kingking uamang tol•e cha•bokangkugen ineba Tura-ni MDC sing•doangaha.

Leave A Reply

Your email address will not be published.