Tura, February 1, 2023: Garo Hills-ni Youth Congress, January 30 tariko mass resign ka·aha ine koborna parakaha.
Youth Congress-ni resign ka·ani miksongara re•baengipa February 27 tariko ong•atenggipa election-na tarisongengipa ru·uta bilsirangna party-o dangdike on•enggipa Gamrik K. Sangma Salmanpara elakkao susana Party ticket galahachim aro approved ka•manahachim, indiba party high command-ni party ticket on•aniara niam gita ong•jaha aro NPP baksa Congress bakrimna am•aniko knae Youth Congress suk ong•jaha ine DYC-ni gitcham President Rakkam A.Sangma kobor ra•timgiparangna aganaha.
NPP aro Congress party-ni ideology namen dingtanggrika, Congress party NPP baksa a•bachengonin dakgrikbaenga, uni gimin NPP baksa bakrimna man•jawa, uni a•selsa congress party-oni ong•katokahachim.
Re•anggipa January 23 tariko Gambegre-ni gitcham MLA Saleng A. Sangma, Sinbath Ch.Marak Congress Party-o gital napgiparangnasa ticketko on•aniara kragijani ong•chongmota.
Indake adita salrangna skang high command-na Congress jegalaniko dakenba 14 tarikko Press Conferrence-ko ong•ate, jegalaniko dake konta 24 somoiko on•ahachim, indiba knachakjani gimin Youth Congress MPCC President Vincent Pala, Working President Deborah C Marak Gambegre-ni Candidate Saleng A Sangma aro North Tura-ni Candidate Billy Kid A Sangma-ni bimangko tarie so·aha.
Youth Congress, Tura Congress Bhavan mikango sakbrini bimangko tarienba so•e jegalaha, ine DYC-ni gitcham President Rakam A Sangma kobor ra•timgiparangna aganaha.