Baghmara, June 17, 2022: Garo Hills-o donggipa Hanging Bridge ba dingdegipa dollongrangni gisepo ro•batsranggipa Rewak Hanging Bridge, jean Simsang Chibimako kabatachim, mikkarang dondikgija waanichi Simsang Chibima dal•bae man•pakangaha ine kobor man•aha.
Simsang chibima nalsao donggipa Rewak songni manderang ia dollongko salanti re•ruraengachim.
Adita salrangna mikka jimbee waanichi, ia Hanging Bridge ba dingdegipa dollong nosto ong•aha. Dollongni jatchigipa bakrangko chi sripenba dollongo anchakgipa bakrangko chi man•pakangaha ine koborko man•soaha.