Shillong, October 1, 2022: Meghalaya TMC Students Union-ni ong•atenggipa “Winds Of Change” program-o Meghalaya Pradesh Trinamool Congress-ni Preaident Charles Pyngrope a•dokni chadamberangko songsalna kamrangko ka•angchina didiangaha.
“Jinmana kamrangko ka•engon, darangkoba mikkang nitegija manderangni namgnina ja•ku de•na nanga. Bhutan a•songko niatgenchimode, ua chonbegipa a•song ong•genchimoba, uamang jinma apsan ku•monge buring bolgrim-rangko mikkangchina chanchie ripingenga. Uni gimin an•chingba mikkangchina chamchisamsoe kamrangko ka•angna gita nanggen ” ine ua aganangaha.
WINDS OF CHANGE-ni gnigipa salo Git ring•susaani aro Fashion Show Competition-ko ong•atangaha. Git ring•susaanio bakko ra•anggipa chadamberang bollywood, pop, hip-hop aro a•songni gitrangko ring•mesokangaha. Unbaksana mingsinggipa Kolege-rang, jekai Lady Keane, St. Edmund aro St. Anthony’s Kolege-ni chatro chatrirang ia program-o bakko ra•angaha.
Indake Program-ni bon•kamgipa sal October 1 tariko, Warachakenggipa dolni dilgipa Dr Mukul Sangma aro TMC MLA George B Lyngdoh-ko gronge uamang baksa agan-golpogrikna man•gen ineba u•iataha.