Garo Hills gimiko salgnina MeECL Office-ko picketing ka•na tik ka•a 

0

Tura, Aug 10, 2022:Garo Students’ Union (GSU) Centre Executive Committee (CEC), Monggolbar salo tom•e chanchirimaniko dakenba jingjengatanirangko dakna tik ka•angaha.

GSU-CEC-ni President Zikku Balgra N.Marak-ni u•iata gitade, batanggimin salrangon Garo Hills-o bijoli tik ong•jani gimin a•dok sorkarina lekka sedoataha, indiba a•dok sorkari bijoli tik ong•gijanirangko namdapatna maming ja•ku de•aniko dakjaha aro manderangni neng•nikaniko namrenge ra•enga.

Indake Garo Hills-o teng•a tik ong•gija salo channa ampilgija bijoli sisimsimani gimin, East Garo Hills-ni NGO-rang sal 9-na king king MeECL Office-ko picketing ka•aha, indiba a•dok sorkari aro MeECL department-ni bil gnanggiparang maming aganchakaniko on•jaha.

Uni GSU HQ Tura-o jinma tom•e chanchirimaniko dakenba August 11 aro 12 tarikrango pring 9 bajioni attam 4 bajiona Garo Hills gimiko salgni joljol MeECL Office-rangko picketing ka•anggen ine parakataha.

Indake Garo Hills gimiko salgni joljol office picketing ka•ani gisepon maming aganchakaniko on•ja ong•ode, chanchirimaniko daktaie rakbata ja•kurangko de•anggen ineba GSU President parakataha.

Leave A Reply

Your email address will not be published.