Gari a•sel ong•anichi driver saksa janggitangko gimaata

0

Shillong, July 28, 2022: Inter State Bus Driver ramao park ka•e dongipa truk garini janggilo su•gakenba janggitangko gimaataha. Ia obosta National Highway 6, Nongpoh-o pring 7 bajimango ong•aha.
Koborna u•iatani gitade, Inter State Bus gari (AS 16 A 5022) jean Guwahati songjinmaona re•anggipa bus ong•achim, ua bus gari ramasamo nosto ong•ana dongdipe dongenggipa truk (NL 01 AA 8595) gario su•gakeaha, indake bus gariko salgipa bilsi 33 ong•gipa Nur Ahmed janggitangko gimaataha.
Ua Assam a•dokni Haligandi songoni ong•achim. Indake ua bang•a mata buanirangko man•ne bus gari ning•onin ong•katna man•gija dongengachim, songni manderang uko busoniko salongkate Nongpoh Civil Hospital-ona ra•angahachim. Indiba rasong gribee ua bang•a mata buanirangko man•ne janggitangko gimaataha.
Ia obostani bidingo pulisrang nambate ma•sina sing•sandianiko dakenga ine u•iataha.

Leave A Reply

Your email address will not be published.