Shillong, September 11, 2022: Federation of Khasi Jaintia and Garo People (FKJGP), HNLC bobil dolni gitcham dilgipa Cheristerfield Thangkiew-ko so•otanio jak donggipa pulisrangko niamo pangchake kraa gita sastiko on•china dabiangaha.
FKJGP, Cheristerfield Thangkhiew-ko so•otani Inquiry Report-na suk ong•gijaniko parakataha. FKJGP dolni parakatani gitade, a•dok sorkari Inquiry Report-ko Assembly Session-ona ra•gatangon, uamang chongmot obostako mikrontangchi nikgipa manderangni bimingko kimitgalaha ine parakataha.
“Maina sorkari bimingrangko donnuenga ? May jao on•anggipa report-ko indita ru•ute donchipani ja•mansa Assembly-ona ra•gatangaha” ine FKJGP-ni President Dundee Cliff Khongsit janapataha.
Je manderangan niamko pe•ahachim, ua manderangna sastiko on•na nanga, “Law makers cannot be Law breakers” ineba ua jegalataha.