Eleksin-na tarisamsoengon, DC niamko ra•gatata

0

Shillong, January 20, 2022: Meghalaya a•dokni ning•o donggipa bang•a a•jani Deputy Commissioner-rang February 27 tariko ong•atna sienggipa MLA eleksin-na tarisoaniko dakengon, ja•rikna nanggipa bang•a niamrangko ra•gataha.

A•jani DC-rang pakmarango skatang seanirangko ba poster tapanirangko, banner kaanirangko, political dolni nisan ba flag songanirangko raken champengataha.

Manderangni pakmarang, dokkanrango nokgipachi sing•chenggija, poster-rang aro flag-rangko skatang songna ba tapna man•jawa ine parakataha.

Unbaksana garirango political dolni nisanko songe re•na man•jawa ineba u•iataha.

Commercial ba para salgipa garirango dolni nisanko songna gita District Eleksin Officer ba Returning Officer-ni hukkum-ko ra•chengna nanggen. Unbaksana on•gimin raiko sakkina garini mikkang glass ba windshield-o tape ra•bitna nanggen ine u•iataha.

Eleksin matchotkuja dipetna darangba silai ba pistol aro bomarangko ra•bitna man•jawa. Indiba Pulisrang, Home Guard-rang, Forest Personnel-rang, BSF aro CRPF-rangsan ra•bitna gita man•aigen ine u•iataha.

License gnang pistol ba silaiko sal 14-ni gisepon uamangni sepangbatgipa pulis station-o pakwate on•nena nanggen.

Eleksin-na tom•aniko ong•atna sienggipa biapni Nokma aro Eleksin Officer-ni raiko ra•na nanggen.

Jinmana aganprakna gita gam•pretgipa speaker ba sound system-rangko walni 10 bajionasan jakkalna man•aigen, indiba wal 10 bajioni pring 6 bajiona darangba speaker-rangko jakkalna man•jawa ine champengataha.

Rally ba procession-ko ong•atna gita District Eleksin Officer-ni raiko ra•na nanggen ineba u•iataha.

Leave A Reply

Your email address will not be published.