Shillong, Dec 15, 2022: Meghalaya TMC-ni parakatani gitade, East Khasi Hills-ni NPP District General Secretary aro gitcham PDF Zonal Committee, Mylliem-ni President Gilbert Laloo Bristibar salo Meghalaya TMC-o napeaha ine u•iataha.
Koborna u•iatani gitade, Gilbert Laloo-ni Meghalaya TMC-o napeani somoio TMC President Charles Pyngrope, Vice President James Lyngdoh aro gipin TMC dilgiparangni mikkangona re•bae TMC-o napeaha.
Laloo saksa East Khasi Hills a•jani NPP District General Secretary aro Mylliem PDF Zonal Committee-niba President ong•achim. Ua mikkangchi Meghalaya a•doko dingtanganiko ra•bana aro jatna kakket ong•e kamrangko ka•angna miksonganio Meghalaya TMC dolo napaha ine parakataha.