Baghmara,Dec 15, 2022: December 15 tarik Bristibar salo NPP dolni General Conference-ko South Garo Hills a•jani Skotong songjinma Baghmara-o ong•atangaha.
Ia general conference-ko ong•atanio Meghalaya a•dokni gitcham Rajya Sabha MP, North Tura-ni MLA aro Skotong Minister-na agan-ku•pattitimgipa Thomas A.Sangma, Williamnagar-ni MLA aro Meghalaya sorkarini Chief Whip Marcuis N.Marak, Rongara-Siju-ni MLA Rakkam A.Sangma, Songsak-ni gitcham MLA aro NPP-ni General Secretary Nihim D.Shira, Siju-ni MDC aro NPP South Garo Hills-ni District President Albinush R.Marak, Silkigre-ni MDC Sengbath R.Marak, West Garo Hills-ni District President aro TMB-ni Chairman JD Sangma, NPP WGH-ni General Secretary Matiash N.Marak aro Meghalaya State Health Advisory Board aro NPP-ni State Vice President Satto R.Marak dongpae bakko ra•angaha.
Indake ia tom•bimonganio sak hajal bate NPP dolna kam ka•giparang dilgiparang bakko ra•a baksana mittelpilskaani kattarangko aganne tom•aniko matchotataha.