Williamnagar, June 11, 2022: East Garo Hills a•jani Additional Deputy Commissioner aro CEO, a•jani Suprentindent of Pulis (SP), Block Development Officer (BDO), unbaksana bang•a Department-ni Officer-rangna June jani 9-13 tarikona mikka balwa rakgen ine u•iatenba mikkrake aro simsake dongchina didiangaha.
“India Meteorological Department (IMD)-ni u•iatani gitade, June 9 tarikoni 13 tarikona North East a•dokni bang•a biaprango Bay of Bengal-oni baldobaenggipa balwarang ta•rakbeani a•sel mikka jimbee waasan ong•aigija ta•rakbegipa balwarang balgen. Indake Assam aro Meghalaya a•doko salantin mikka jimbee waanirangko nikna gita man•gen. Manderang ta•rakbegipa aro bilakbegipa mikka balwaoni naljokna gita an•tangko simsake aro mikkrake dongna nanga” ine mikkrakataha.