Tura, March 1, 2022 : Ja chi•dok (16) ong∙piloba District Selection Committee (DSC), SW kamna ong•atanggipa personal interview-ni result-kon man∙kujaengani gimin ia porikkako segiparang jinma ku∙mongenba District Selection Committee-ni Chairman-na seachi mol∙molataniko dakaha.
DSC-ni Chairman-na seatgipa chittio janapatani gitade, bak ra∙gipa candidate-rang re∙anggipa 2020 bilsini August 8 tariko porikkako seaha aro indake apsan bilsini September 29 tariko uamang result man∙enba, October 6 tarikoni 8 tarikona personal interview-ko on∙ahachim indiba da∙ona kingkingba result-kon man∙chipkujaenga.
“Result-rangko on∙ningjaengani a∙selo chinga gipin kamrangko gale nipana gitaba jajaatanirangko man∙enga. Chinga personal interview-o amadipet namen aganchakanirangko dakahachim.” Ine candidate-rang janapataha.
Indake DSC personal interview-ni result-ko da∙onaba on∙kujaengani gimin ta∙rakkale on∙pachina gita bak ra∙gipa candidate-rang Chairman-ko seachi mol∙molataha