Trellin Dekka GSMC-ni bimingo petrol pumponiko tangka dabia

0

Resubelpara, March 1,2022: Garoland State Movement Committee (GSMC) Jengjal Unit-ni President Annuar D Sangma aro Raksamgre Unit-ni Chairman Medison Marak North Garo Hills a•jani ning•o donggipa Mendipathar Pulis Station-ni Officer in charge-na lekka sedoenba Trellin Dekka-ni kosako GSMC-ni bimingo petrol pumponiko tangka gile cha•ani gimin badi ka•aha.

GSMC-ni badi ka•anio janapatani gitade, GSMC dolni membor saksa Mendipathar Petrol pump staff-rangko ka•mikennate tangka gong lakh 2-ko dabiaha.Ia obostani bidingo re•anggipa January 7 tarikon Mendipathar Pulis Station-o badi ka•aha.

GSMC membor-rang Petrol Pump-ona re•ange sing•sandianiko dakenba petrol pumpni name tik ong•e chalaigijaniko nikeaha aro petrol pump machine•ko kal•ake donako nikenba uamang pulis station-o ia petrol pumpni Malik aro uni kam ka•giparangni kosako badi ka•na ine pulis station-ona re•angna dakon uamang Trellin Dekka-ni an•tangko GSMC membor ine janape uamangchiko tangka gong lak 2-ko dabiaha ine u•ina gita man•aha aro ia obostani bidingo pulis stationo badi ka•aha ine u•iataha.

“Chinga GSMC-ni memborrang Trellin Dekka-ko u•ija aro uko maming dakeba Petrol Pumponiko tangka gillechina ge•etaba dongja. Uni indake GSMC-ni bimingo tangkarangko gil•draaniara chingni dolko namgija bimingko man•atna jotton ka•anisan ong•aia. Pulisrang Trellin
Dekka-ko sandie uni indakgipa kamrangna kraa gita sastiko on•na nanga” ine GSMC Jengjal Unit-ni President aro Raksamgre Unit-ni Chairman u•iataha.

Leave A Reply

Your email address will not be published.