Williamnagar, Dec 19, 2022: Indian National Congress (INC)-ni dilgipa aro Rongrenggre-ni gitcham MLA, Ma Deborah C.Marak Sonibar salo elakkatangni kangal cholgri me•chikrangna Krismas boksis dake ganna kingprakko suale on•angaha.
Kristianrangni dal•batsranggipa maniani Krismas salko sakantian kusi ong•e nichaksoengon, kangal cholgri nokdangrango chu•onga gita ganna chinanirangko brepana man•gija dongenggipa me•chikrangna Krismas Boksis gita Deborah Marak ganna kingprakko suale on•angaha ine koborna u•iataha.
Me•chikrangna ganna kingprakko suale on•ani miksongara, bang•a kangal cholgri nokdangrangon, me•chikrang Krismas-ni salo gital ganna chinanirangko ra•pana man•gija dongengachim, uandakgipa me•chikrangna Deborah Marak kusi ong•e dakchakaniko on•angaha ine MPYC-ni General Secretary Junebirth C.Marak u•iataha.