Tura, May 7, 2022: West Garo Hills a•jani District Commission, jekon skango District Consumers Disputes Redressal Forum (DCDRF) ine mingachim, da•o iako DC office-o chu•gimik chalaina a•bachengataha.
Ia Commission-o asongenggipa Judge aro seokako man•gipa membor sakgni ia Commission-ko dilenga. Ma•manti bosturangko bree jakkalenggipa manderang, maiba badi ka•na nanganirang donggenchimode, seachi ia Commission-na badi ka•na man•gnok. Badi ba Complain-ko na•simang internet gitaba https://www.edaakhil.nic.in/edaakhil/ website-o ia Commission-na badi ka•dona man•gen ine u•iataha.
Toll Free 1967 nombor-ara National Food Security Act nomborsa ong•a aro ian manderangni neng•nikanirangko badi ka•ani nombor ong•ja ineba u•iataha.