Resubelpara, May 7, 2022: North Garo Hills a•jani Dainadubi-o donggipa GSU Depa Regional Unit-ni dilgiparangko seokna gita eleksinko ong•atjaengani gimin, mijal Sukrobar salo chatro chatrirang dilgiparangni kosako namnikgijaniko mesokna uamangni bimangrangko tarie soaha ine koborna u•iataha.
GSU Depa Regional Unit-ni gitcham dilgiparanga Chingchang D Marak President, Sengwith A sangma General Secretary, Checheng Marak Additional General Secretary aro GSU Northern Zone-ni President Landlord Momin, Bintu sangma General Secretary uamang sak bongani bimangko tarienba so•e galaha.
GSU Depa Regional Unit-ni ning•o donggipa pilak skulni chatro chatrirang eleksinko ong•ate gital dilgiparangko seokna antisa somoiko on•angaha, uni gisepon maming aganchakani dongjaode, GSU Depa Regional Unit-ko pe•galna jinma jak songe ra•chakangaha ine u•iataha.