Tura, May 7, 2022: Bilsi 2022-ni NEET/JEE porikkako sena tarisoenggipa chadamberangna West Garo Hills a•jao Crash Course-ko Sonibar salo a•bachengataha ine parakataha.
Ia coaching ba crash course-ko West Garo Hills a•jani Tura Science Centre-o, Meghalaya Science Society ong•atangaha aro a•jani Deputy Commissioner Ram Singh ia coaching klasko oprake on•angaha.Indake ia coaching klasko July jani gittamgipa antiona kingking antini Sonibar aro Robibar salo ra•anggen. WGH a•jani Meghalaya Science Centre-ni Secretary Dr. Madhusudan Dutta ia crash course-ko a•bachengdilna ku•mongdilaha aro iana a•jani District Administration-rangba dakchakaniko on•paenga ine u•iataha.
Science subject-ni bakrang jekai Physics, Chemistry, Maths aro Biology, ki•taprangni bidingo che•em che•em poraie bida gnanggipa manderang salprako chang 4-na klasrangko ra•e jinmana skianggen ineba u•iataha.