Resubelpara, Jan 20, 2023: North Garo Hills a•jani District Congress Committee (DCC) aro Block Congress Committee (BCC)-ni dilgiparang baksa gipin sak 39 Congress dolni membor-rang Bristibar salo Congress doloni ong•katgrime, NPP dolo napangskaha.
DCC President Wilness Marak aro BCC President Charansing R. Marak baksa DCC-ni Joint Secretary aro BCC-ni General Secretary Wipping Sangma Congress doloni ong•kate NPP dolo napangaha ine u•iataha.
Unbaksan BCC-ni Organiser aro DCC Media Incharge Moon Koksi Sangma baksa gipin member-rang Congress dolna Gisik nange kam ka•giparang, chubata gadangni MPCC dilgiparangni kamna suk ong•jae, Congress doloni ong•kate TMC dolo napangskaaha ine koborna ui•ataha.
Chubata gadango donge kam ka•enggipa MPCC-ni dilgiparang party ticket-ko badia candidate-na on•ode, Congress dol chena man•gen, uko chanchigija an•tangtangni namnikgipa candidate-rangna party ticket-rangko on•ahani gimin suk ong•jae Congress doloni ong•kataha aro election sepangengon, Resubelpara Congress dolko bilgriataha ineba ui•ataha.