Assam forest department A•chikrangni bagan bario ge•gipa guerangko nosto ka•e gala 

0

Kamrup, Jan 20, 2023:Assam Forest Department, Kamrup district-ni ning•o ga•akgipa Gamerimura song sepango donggipa Upper Bamunigaon songni A•chikrangko a•rikgalna miksonge, uamangni bagano ge•gimin guerangko den•ne galtokaha ine koborna u•iataha.

Assam Forest Department Bamunigaon songni manderangna maming a•rikgalani notice-ko on•gija, rang•gitik Bristibar pringo re•ange bang•a A•chikrangni ge•gipa baganni guerangko den•ne galtokaha.

Upper Bamunigaon songo A•chikrang bilsi 20 ba 25-na bate songdong a•chaenba an•tangtangna bagan barirangko dakahachim, indiba Forest Department, ua songo donggipa A•chikrangko a•rikgalna miksonge bang•bea baganni guerangko nisto ka•e galaha.

Iandakgipa Assam Forest Department-ni kamara mikkang nitee A•chik jatko chonnikani ong•a. Bebegita Assam sorkari songni manderangko a•rikgalna nanggenchimode, jagittam skangan eviction notice ba u•iataniko on•na nangachim.

Bamunigaon songni manderang an•tangtangni a•arango game ge•e, guerang, te•rikrang aro anarosrangko bagan dake janggi tangengachim. Indiba uamangni janggiY tanganiko forest department nosto ka•e galaha ine songni manderang suk.ong•gijaniko parakataha.

Leave A Reply

Your email address will not be published.