Tura, May 23, 2022:West Garo Hills a•jani gital Deputy Commissioner, Swapnil Tembe, West Garo Hills a•jao songdongenggipa sakantina indake seachi mol•molataha. Chong•motan dingtang dingtang tom•bimonganirango kamrangko a•bachengate on•ani somoirango aro gipin apsan dakgipa program-rango angna dingtangmancha mande ra•aniko dakna nangjawa ine parakataha.
“Anga indakeba mol•molatna sika, darangba angna ka•sae on•anirangko aro bibalni chokchimrangko on•na nangjawa. Angna VIP-ni asongchakanikoba tarina nangjawa. Na•simangni angna nambatsranggipa on•anide, West Garo Hills a•jako namdapatna aro silroro namroroatna apsan ku•mongrimaniko on•gilanian angna nambatsranggipa na•simangni boksis ong•skagen” ine DC parakataha.