Conrad Sangma-ni Contractor tangka cha•minoka: Bernard

0

Tura, May 23, 2022: Meghalaya a•dokni BJP Vice President aro Tura-ni MDC Bernard N.Marak Sonibar salo, a•dokni Skotong Minister Conrad Sangma-ni Contractor saksa 2015-16 bilsio District Council Museum-na chamatgipa tangka kror 3-ko cha•minokaha ine parakataha.

“District Council Museum a•damtangon gimaaha. Ia Museum-ko rikna gita tangka kror 100.71-ko estimate ka•aha aro unoni tangka kror 3-kode 2015-16 bilsio contractor-na on•ataha, indiba ua krong ge•sako mangmangba a•damo songdonggija tangkako an•tangni namgnina jakkalaha. Ia Museum-ko rikna gita angni elekka-ni ning•o donggipa Tura Sunly Hills-o a•damko donaha, indiba a•damo da•alona kingking krong ge•saba dongja” ine Bernard Marak janapataha.

Skotong Minister Conrad Sangma-ni manderang ba contractor-rang kamni tangkako ra•e uarangko an•tangni namgnina jakkalskaha. District Council Museum-ni kamko Brilliant Sangma-na on•ahachim. RTI ka•anio janapatani gitade, Museum-ni 50% kamko matchotmanaha ine parakaha, indiba ua museum-ni krong ge•sakmangba a•gitalo sandie nio nikjawa ineba ua agandapaha.

Leave A Reply

Your email address will not be published.