DC, Tura-na June jani AAY, PHH aro PMGKAY-ni mirongrangko watata

0

Tura, June 18, 2022:West Garo Hills a•jani Deputy Commissioner, Supply Tura Sadar Division-ni ning•o donggipa AAY, PHH aro Non-NFSA nokdangrangna jaanti on•ronga gita June jani mirongrang baksana Pradan Mantri Garib Kaliyaan Anna Yojana (PMGKAY)-ni mirongrangko watataha ine u•iataha.
AAY nokdangrangna card kingprako jaanti kg 35 ka•e, kg-prako gong 3 ka•e, PHH nokdangrangna kg-prako gong 3 ka•e, nokdangni sakprako kg 5-ko ra•ena man•gen aro Non-NFSA nokdangrangna Fair Price Shop Centre-ni Price Vigilance Committee-ni tik ka•gimin dam gita kg-prako gong 13-na batgija card kingprako kg7.11 ka•e suale on•china DC, Supply Fair Price Shop Dealer-rangko ge•etaha.

PMGKAY-ni ning•o AAY aro PHH kangal cholgri nokdangrangna on•atgimin mirongrangko japrako sakprakna kg 5 ka•e indin suale on•china gitaba DC, Supply Fair Price Shop Dealer-rangko ge•etaha. Indiba ia Scheme-ni ning•o Non-NFSA nokdangrangde mirongranggko man•skajawa ine u•iataha. Pilak nokdangrang ba namgniko man•enggipa manderang an•tangtangni man•na nangenggipa mirongrangko an•tangtangni fair price shop dealer-rangoniko ra•ena man•gen ineba DC u•iataha.

Leave A Reply

Your email address will not be published.