Tura, November 9, 2022: West Garo Hills a•jani Deputy Commissioner Swapnil Tembe, dingtang dingtang political dolni dilgiparangna, 2023 bilsini January 1 tariko pangchake Draft Elektoral Roll-ko nipiltaichina DC Office-o ong•atanggipa tom•anio lekkako suale on•angaha.
Unbaksana ua BLO Kit, SSR Form, Draft Roll aro apsandakgipa bosturangko Booth Level Officer-rangna Budbar salo suale on•angaha.
Ia tom•anio jinmana aganprakengon, DC, “Mikkang bilsio eleksin ong•engani gimin, an•ching Elektoral Roll-rangko nipiltaina nangchongmota, jedakode an•ching darangkoba galchanggija Roll-ko segatna gita man•gen. Elektoral Roll-o segualanirang donggenchimode, Booth Level Officer (BLO) uarangko nipiltaie namatpilna gita man•gen” ine ua aganangaha.
Elektoral Roll-ko nipiltaianichi, an•chingni a•doko vote pu•ona man•giparangni baridapanirangko nikna man•a. Mikkang bilsio ong•atenggipa eleksin-na tarisamsoanirang jekai SVEEP activities, summary revision-rangko a•bachengataha ineba ua u•iataha.
Re•baenggipa 2023 bilsini January jani 1 tariko pangchake, Draft Elektoral Roll-o seani gitade a•doko dam 537 polling station aro sak 356954 elektor-rang donga ineba parakangaha.
Unbaksana, WGH a•jani Additional Deputy Commissioner (Eleksin) Rojalinda D Shira, Extra Assistant Commissioner (Eleksin), RK Hajong ia tom•anio bakko ra•e jinmana aganprakangaha. Uasan ong•aigija Tura DRDA-ni Project Director Dolrich Berin G Momin, ADC Winje Momin aro Mary Liza Marak-ba tom•anio bakko ra•angaha.