Damringgre songo I-Day-ko maniani salo footbal kal•susaaniko ong•atanga  

0

Resubelpara, Aug 15, 2022:North Garo Hills a•jani Damringgre songo chang 76-gipa India a•songni jakgittel ong•ani salko maniani salo Football Kal•susaaniko ong•atangaha.

Ia football kal•susaanio Damas-ni chadambe saksa Amsrang G.Momin-ko mongsonggipa ong•e jakgittelaniko maniaona okgamataha.

Amsrang Momin mongsonggipa sokgipa ong•e, jinmana aganprakangengon songadamrango chadamberang mai neng•nikani ong•engachim, agan-talatangaha. Ua chadamberangko sorkarini on•enggipa scheme-rangko man•na gita Club-rang, Society-rang Organisation-rang aro Association-rang register ka•e sorkarini on•enggipa cholko ra•china didiangaha.

Ua re•baenggipa 2023 bilsini Assembly eleksino Mendipathar elakkaoni susana gita tarisoenga ine parakataha. Amsrang Momin Pune Maharastra University-o B.com Degree-ko matchote poraiani ja•mano Symbiosis Kolege of Arts and Commerce Pune Maharastra-o M.com-ko poraiaha. Indake ua da•o NEHU-o PhD-ko dakenga ineba parakataha.

Indake ua Pune-o poraimitting somoio Pune-o songdongenggipa North East-ni manderangna kamko ka•aha aro North East Community Organisation (NECOP)-ni gitcham President-ba ong•achim, jean Pune-o dal•batgipa dolsa NGO ong•achim. Ua North East a•dokni manderangnasan kamko ka•aigija, Maharastra A•chik Youth Association (MAYA) aro Meghalaya Youth Association Pune-ni gitcham President-ba ong•achim.

Leave A Reply

Your email address will not be published.