Dadenggre NPYF Cleaning Drive-ko ong•atanga
Dadenggre, Oct 6, 2022: Dadenggre-ni National Peoples’ Youth Front (NPYF) Bristibar pringo Cleaning Drive ba rongtalataniko dakangaha ine koborna u•iataha.
Dadenggre NPYF-ni dilgiparangni u•iatani gitade, Bristibar pring 6 bajioni 7 bajiona Dadenhgre bajaroni Dadenggre Sub Division Office-ona cleaning drive-ko dakangaha aro ia cleaning drive-o bang•a chadamberang bakko ra•angaha.
Iasan ong•aigija mikangchi Dadenggre NPYF dingtang dingtang program-rangko ong•ate, NPP dolko bilakatna kamrangko ka•anggen ineba u•iataha.