AITC ja•achi re•jomgipa manderangna ringani chiko suale on•anga  

0

Tura, Oct 6, 2022:Tura songjinmao Durga Puja mania matchote Butbar salo dingtang dingtang Puja Mandap-rangni miterangko galna ra•bamitting somoio jinma ja•achi re•anggipa manderangna, All India Trinamool Congress (AITC)-ni West Garo Hills District Convenor Richard Mrong Marak, Adamkid M.Sangma aro gipin dilgiparang Tura AOC petrol pump-o hydration point-ko ong•ate ringani chirangko suale on•angaha.

Maina bang•a Tura songjinmani hindurang toromko manigiparang an•tangtangni tarigimin miterangko garirango ra•bae, Tura bajarko wilwile jinma apsan Tura Babupara Rongkhon dollongona ja•achi re•jomange miterangko chiringo galangtokaha.

Uandake Hindurangni dal•batgipa maniani salo ku•monganiko on•pana gita ja•achi re•anggipa manderangna AITC ringani chi bottle-rangko suale on•angaha.

Leave A Reply

Your email address will not be published.