Shillong, April 30, 2022: Common University Entrance Test (CUET) porikkako sena sienggipa chadamberangko cyber-ni manderang tangka bate ra•enga ine Hynniewtrep Integrated Terrestrial Organisation (HITO) dol a•dokni Education Minister Lakhmen Rymbui-na badi ka•angaha.
HITO dolni u•iatani gitade, bang•a cyber cafe-ko chalaienggipa manderang poraienggipa chadamberangko CUET-na biming segatna re•angoba tangkarangko bate ra•enga aro uamangchiko tangka gong 700 ra•enga ineba janapataha.
“Cyber cafe-ni manderang poraienggipa chadamberangoniko gong 100-na bate ra•jagenchimode, nambegen, maina an•ching ST category-o ga•akgipa manderangde tangka gong 550-kosan CUET-na gamna nangaia ine parakataha.CUET-ni application process-ni gitade general category-o ga•akgipa manderang gong 650-ko game bimingtangko segatna gita man•gen, OBC/EWS category-o ga•akgipa manderang tangka gong 600 aro uandake SC/ST category-o ga•akgiparang gong 550-ko game bimingtangko segatna gita man•gen ine u•iatmanahachim.Indake cyber cafe-ni manderang CUET-ni porikkana gamna nangggipa tangkarangko tiktak ong•e gamani ja•mano uamangko dakchakanina gong 100-na bate ra•pajagenchimode nambegen” ine u•iataha.