A•chik a•songo gipin jatrangni nape kam ka•giparangko nokchakjachina NAS didiata

Williamnagar, April 30, 2022: Niksamso A•chik Society (NAS) Garo Community Organisation (GCO) A•chik A•songo je gipin jatrang chongmotan (Non-Tribal) ba rorirang Garo Hills-ona re•bae kamrangko ka•engachim, uamang songni Nokma Sordar-rango aro songni nokni dilgiparango maming hukkumko bi•gija A•chik songrango skatang napaniko mikkangchi raken champengsochina aro nokchakjachina A•chik a•songni sakanti Nokma Sordar-rang aro songni nokni dilgiparangko didiataha.

NAS-ni President Tengrak Marak-ni parakatani gitade, je gipin jatrangan A•chik A•songo niam gri nape maming lekkarang donggija bading chiwalenga aro kamrangko ka•enga, uamangko nokchakjachina sakanti A•chik a•songni manderangko mol•molataha.
Bang•a sal somoirangon, gipin jatrang A•chik A•songo nape kamrangko ka•gen, bading chiwala dakgen, uni ja•mande, an•chingni noa-namchik aro no-abirangni kosako ong•gija dakenga aro A•chik me•chikrangko seke katenga aro uarangko social mediarango gipate jatko kratcha•atenga. Uni gimin, uarangko nike NAS suk ong•ja aro uamang A•chik A•songo namgija kamrangko ka•e jatna kratcha•aniko ra•baa. Uandakgipa manderangni kosako NAS raka sinjetaniko dakanggen ine mikkrakatangaha.