Shillong, November 15, 2022: Meghalaya a•dokni Skotong Minister Conrad Sangma, Shillong International Centre For Performing Arts & Culture (SICPAC)-ko Sombar salo oprake on•angaha.
Department of Arts and Culture (DAC)-ni ning•o donggipa SICPAC-ko Mawkasiang-o rikgimin SICPAC-ko Skotong Minister Conrad Sangma, Deputy Skotong Minister Preston Tynsong, Arts and Culture-ni Minister Shanbor Shullai, Meghalaya a•dokni Chief Secretary Donald P Wahlang, Arts and Culture Department-ni Commissioner aro Secretary Frederick Roy Kharkongor-ni dongpanio oprake on•aha.
SICPAC building nokan a•doko skanggipa changna mande jinma asongchakna tarigipa building ong•a. SICPAC-ni donganichi a•dokni bang•a Artist-rangni jumang chu•sokaniko man•gen ine Conrad Sangma aganangaha.
SICPAC Project-ko matchotanichi a•dokni pilak manderangna namen dakchakbeani ong•aha. Ia buildingni ning•o theatre gnang, dingtang dingtang hall-rang gnang, sak 1739 manderang asongna chakgipa theatre ong•a, iano sak 302 manderangna asongna chakgipa chonbegipa theatre gnang, sak 504 manderangna asongna chakgipa Black Box theatre aro sak 15,000 manderangna chakgipa Open-Air Theatre-ba gnang. Ia project-ko matchotatna gita gong kror 151 lak 33 tangkarangko jakkalaha, unbaksana ma•mong sorkarini Non-Lapsable Central Pool of Resources (NL-CPR), ma•mong sorkarini M/O DoNER-ni ra•chakako man•gipa (NL-CPR)-ni sokatgipa tangkarang gong kror 136 lak 20 aro a•dok sorkarini gong kror 15 lak 13-ko jakkalenba matchotatna man•aha ine parakataha.
Skotong Minister Jinmana aganprakengon, “Shillong International Centre For Performing Arts and Culture (SICPAC)-ko an•ching National aro International jakkalna gita man•gnok. Iano an•ching mega cultural event, theatre, chrokani, git ring•ani aro pilak kamrangna jakkalna gita man•gnok. SICPAC-ni ning•o Art Gallery, Sky Theatre, Special Exhibition Space, VIP Enclosure Area, Auditorium baksa Wilwilgipa Stage, VIP Banquet Hall, VIP Lounge, VIP Restroom, Automated Elevators, Tribal Museum, Media Centre, Telivision and AV Studio, Library, Food Court, aro Administrative Workspace ba gnang ” ine Conrad Sangma aganaha.