Chang 16-gipa Council of Nokmani tom•bimonganiko ong•atanga

0

Tura, January 16, 2022: January 15 tarik Sonibar salo Council of Nokma-rangni chang 16-gipa bilsini tom•bimonganiko Dadenggre-o ong•atangaha.Ua tom•bimonganio Meghalaya a•dokni skotong minister Conrad Sangma mongsongipa sokgipa ong•e bakko ra•angaha. Unbaksana gipin sokgiparanga Dadenggre Civil Sub Divisional Officer (SDO) Vivhor Agarwall aro gipin dilgiparang aro dingtang dingtang Garo Hills-ni A•king Nokmarang bakko ra•angtokaha.
Ua tom•bimonganio dingtangdingtang an•saotanirangkoba ong•atangjolaha, jekai Wangala aro git ringanirangko dakangaha. Garo Hills-ni Nokmarang an•tangtangni nangnikanirangko janape seenba tom•ani salo Skotong Minister-na memorandum-ko on•angjolaha.
Conrad Sangma tom•bimonganio mongsonggipa sokgipa ong•e, jinmana aganprakangengon, Sixth ba Dokgipa Schedule-ni gimin agan-talatangan baksa Council of Nokma-rangna tangka gong kror 1 lak 45-ko chamatan baksana ja•mano dingtang on•dapattaigen ine aganangaha.
Una agreba dingtangmancha Council of Nokma-na tangka lak 5-ko skotong minister on•angjolaha. Indake tom•ani bon•kamao Council of Nokma-ni Vice President mittelpilskaani kattarangko aganne tom•aniko dontongaha.

Leave A Reply

Your email address will not be published.