Tura, Nov 30, 2022: Balachanda-ni gitcham MDC Sofior Rahman, Social Activist Mostopha Kabir aro NPP-na kam ka•gipa Abdul Jolil Sheikh baksa sak 40 dingtang dingtang political dolni membor-rang Rangsakona-ni MLA Zenith Sangma, State Mahaila Trinamool Congress-ni President Selma D.Shira, State
TMC-ni General Secretary Mukul Das aro gipin TMC dilgiparangni dongpanio Tura TMC Office-ona re•bae Butbar salo TMC dolo napetokaha.
Sofior Rahman, saksa State BJP Minority Morcha-ni President ong•achim, unbaksana Rajabala NPP dolni dilgipa ong•achim.
Mostopha Kabir Rajabala jolni social activist aro gitcham NPP-ni membor ong•achim, jean re•anggipa GHADC elction-o Independent candidate ong•e Balachanda elakkao susagipa ong•achim.
Abdul Jolil Sheikh-ara Meghalaya Muslim Welfare Association (MMWA)-ni ong•a baksana Rajabala-ni NPP dolna kam ka•gipa ong•achim.
Jemangan dingtang dingtang political doloni TMC dolo napegipa manderangko Rangsakona-ni MLA Zenith Sangma kusi ong•bee, Tura TMC office-o rimchaksoaha.