Baghmara Citizens Forum Skotong Minister-na lekka sedoanga

0

Baghmara, June 22, 2022:Baghmara Citizens Forum (BCF) Monggolbar salo a•dokni Skotong Minister Conrad Sangma-na South Garo Hills a•jani obostarangko aganjanape lekka sedoangaha.

“Baghmara Citizens Forum (BCF), Nokmarang, Giljani Dilgiparang, Baghmara Senior Citizens, mikkarang jimbee waani a•sel South Garo Hills a•jani bang•a songrango a•arang be•dapaha aro chi bannaha.

Indakgipa a•selrang ong•anichi bang•a songni manderangni nok-jrangko chi man•pakangahani gimin nok-jam gri cha•a ringanirang gri dukko man•enga. Una agreba bang•a bijolini silittingrang chotomtoke andal mindik ong•ataha. Unbaksana mobile networkrang nosto ong•e adita salrangna network gri bijoli gri dongna nangenga. South Garo Hills a•ja skang chengonin ja•manchakbatsranggipa a•ja ong•achim.

Iarangni bidingo NGO-rang changni chang ku•rang on•enba kamrangko ka•ahachim, indiba sorkarini dilgiparang da•onaba maming mingsakon chu•sokate on•kuja. Skangrango a•jani namgnina kamko ka•gipa manderangko sorkari badi ka•pangpilaha, iani a•sel NGO dilgiparang da•alona kingkingba court-ona re•rurana nangenga” ineba janapataha.

Baghmara Civil Hospital-o chu•onga gita machine-rang dongjae neng•nikaniko man•enga. Tangka paisa grigipa manderang Hospital-ona sanna banna re•bagenchimoba, saa bilongahaode,Tura watatna nangenga. Baghmara Hospital-o Gynaecology, Paediatrics aro gipin gipin Department-rang dongjani a•sel Tura ba Guwahati-ona ra•ange sanna nangtelenga.

Uni gimin, Baghmara Hospital-ko sorkari nirok simsakatna nangchongmotenga ine NGO-rangni seatgipa lekkao janapataha.

Uasan ong•aigija bijolini line-rangko diltugipa buring bolgrimrang gita ra•gija, sorok a•samrang gita ra•bana nanga, jedakode Department-ni manderang nosto ong•ani somoio tarina neng•nikjawa.

“Chingni dabianirangko sorkari knachakna nanga, aro re•a doani rama jal•langrangko ta•rake tarie on•china” gitaba NGO-rang janapataha.

Leave A Reply

Your email address will not be published.