Shillong, Dec 18, 2022: Mande ra•ako man•na kragipa India a•songni Prime Minister Narendra Modi, Robibar salo NEC-ni bilsi 50 gapaniko ba Golden Jubilee-ko Shillong songjinmao manianio bakko ra•angaha. Indake Prime Minister Narendra Modi North East a•dokrango dingtang dingtang development Scheme-rangko a•bachengate on•angjolaha.
Prime Minister Narendra Modi-ni bil gnange India a•songko dilanichi North East a•dokrango bang•en namroro silroroanirang ta•raken tang•doenga ine BJP dilgiparang koborna parakataha.
Meghalaya a•dokni Skotong Minister Conrad Sangma, Shillong songjinmao a•songni Prime Minister Narendra Modi-ko NEC-ni Golden Jubilee maniaona mande ra•bee rimchaksoaha. “Anga mande ra•ako man•na kragipa a•songni Prime Minister Narendra Modi-ji aro Union Minister for DoNER, G Kishan Reddy-Ji-ko dingtangmancha da•alo ching baksa ong•anina namen kusi ong•a” ine aganaha.