Nongalbibra, Sept 22, 2022:A•chik Organization for Social Welfare (AOSW) re•anggipa September 19 tariko AOSW-ni gital Unit-ko Nongalbibra-o songaha ine AOSW, HQ Williamnagar-ni dilgipa Griping B.Marak u•iataha.
Griping Marak-ni u•iatani gitade, ia AOSW dol an•tangtangni namgnina kam ka•gijagipa aro sorkari baksa nangrime kam ka•gijagipa Civil Society Organization dol ong•a. AOSW-ni miksonganiara songo nokni manderangna dakngdike on•na aro Garo Hills-ni corruption-ko bon•atna ja•ku de•e, kakketo agan-ku•pattianiko knachake kamko ka•na re•chakatgipa dol ong•a.
Indake, A•chik Organization for Social Welfare Nongalbibra Unit-ni gital dilgiparanga, Sebastin Sangma President, Elways Marak Vice President, Lechiang Marak General Secretary, Balseng Sangma Joint Secretary, Elijzal Sangma Organising Secretary, Machan Marak, RTI Secretary, Cherak Marak Finance Secretary, Batsram Marak Assistant Finance Secretary, Trisal Sangma Sports and Youth Affairs I/C, Walman Sangma Social Welfare Secretary aro gipin sak 10 Executive Member-rangko seokangaha.