Resubelpara, Sept 22, 2022:North Gato Hills a•jani nangrimgimin Dainadubi jolni NGO-rang apsan ku•monge, a•dokni Skotong Minister Pa Conrad Sangma-ko Budbar salo gronge agan-golpogrikaniko dakenba North Garo Hills a•jani ning•o donggipa Primary Health Centre (PHC)-ko Community Health Centre (CHC)-ona ra•doe on•china Memorandum-ko on•angaha.
Unbaksana, Dainadubi jolni Bangsi A•pal Kolege-ko rikna 2007 bilsion pangchakani ro•ongko songe on•ahaoba, bilsi 15-na kingking galchipe maming kamko a•bachengatkujaengani gimin, September 21 tarik Budbar salo Dainadubi-ni NGO-rang changsatai gisik ra•atpiltaiani lekkako Skotong Minister-na on•ate, ia kamko ta•rake nirokatpachina mol•molataha.
NGO-rangni mol•molaniko knachake Skotong Minister Pa Sangma ta•raken ia kamrangko chu•sokatna jotton ka•gen ine ku•rachakangaha.
Conrad Sangna pagipa sagi Purno A•gitok Sangma an•tangni tangmitting salrango pangnan eleksin campaign-ko A•dokgre-oni a•bachengatrongachim, uko gisik ra•e, Budbar salo North Garo Hills a•jaona wenange, A•dokgre-oni a•bachenge, North Garo Hills a•jani dingtang dingtang biaprango proram-rangko ong•atangaha.
Pagipasagini matchotanggijagipa kamrangko chu•sokate aro matchote on•na gita MDA sorkari raken kamrangko ka•enga ineba ua aganangaha.