Tura, January 10, 2022: Garoland State Movement Committee (GSMC) Garoland a•dokko man•na gita dongdikgija kamrangko ka•enga. British-ni somoio an•chingni pagitcham Sonaram R Sangma A•chik jatko chel•chakna warachakaha. Apsandaken bang•a NGO-rang jekai GNC, GSU, GSMC aro uandakgipa dolrang Garoland State-ko man•na rakbee kamrangko ka•enga ine GSMC-ni Spokesperson Ryan Ch Marak u•iataha.
“GSMC Garoland-ko ra•bana rakbee kamrangko ka•enga. Apsandaken a•dokni ge•gni political dol Garo National Council (GNC) aro Hill State Peoples Democratic Party (HSPDP) dingtang a•dokko dabie kamrangko ka•enga. An•chingni pagitcham Pa Purno Sangma, Union Minister-rang baksa aro State Re-Organisation-rang baksa ru•uta somoina dabienggipa dingtang a•dokko on•china mol•molaha. MLA Ampareen Lyngdoh-ni batanggimin salrango Meghalaya a•dokko bak dake sualna ine agangipa kattako chinga, GSMC raken jegala. NPP dolko bikotgipa Purno A.Sangma Parliament-o aro State Re-Organisation commission rang baksa dingtang a•dokko on•china chengonin agangolpogrikaha. Uni gisepon a•dokko bak dake sualna agangipa kattako chinga rachakna man•ja” ine GSMC Ryan Ch Marak jegalataha.