Shillong, Jan 10, 2023: Meghalaya Sorkari a·doko janggi tangani cholrangko on·angkuna, jilla-kaanirangko bang·batatna cholko on·enga ine u•iataha.
India a·songan jilla-kaanirangko dakanio a·gilsak gimiko bang·batgiparangoni damsa ong·enga. India-o, manderangni janggi tangani gadangrang dingtangani aro per capita income bariroroani a·sel, cha·a ringani bewalrang dingtangaha. Jilla-kaanirangoniko man·gipa dud, be·en aro do·o bitchirangko manderangni nangnikani batroroengaha. Indiao sak 20.5 million-na baten manderang jilla-kaarangko dake janggi tanganina pangchaka aro 2020 bilsio jilla-kaarangko dakanio chu·gimik dam INR 930 billion-ni gita ong·aha. Ia sector da·o agricultural GDP-o 25.6% ong·a aro chu·gimik 4.11% ong·enga, jekon niatgenchimchimode komikuenga. A·ani ga·nanggijani, karini sin·a-ding·ani, aro Meghalaya-ni manderang janggi tangani bewalrang a·dokoni chu·gimik 10% a·arangkosan ge·a-gamani aro uandakgipa kamrangna jakkalna man·aia.
Uandaken, songo noko donggiparang jilla-kaanirangko dake minggipin janggi tangani cholo pangchakenga. Da·ororo man·enggipa technology-ko jakkalanichi matchu, wak, do·bok aro uandakgiparang aro do·orangko jile nama janggi tangani cholko dake ra·na gita nambataha. Meghalaya-o re·anggipa bilsi gittamo dudni dam 2.76 percent, do·chini dam 1.47 percent aro be·enrangni dam 2.95 percent bilsiprako bariaha.Piggery Mission,Indiao dal·batgipa Piggery Mission ong•a.Ge 253 Co-operativeSociety-rangna dakchakaniko on·aha aro 1109 wak bi·sa doatna, 3866 be·en bitin cha•na, Kror 44.85 tangkarangko on·aha.
Unbaksana Matchu, matma, do·bok aro uandakgiparangko dud aro dudniko tarigipa bosturangna jillaniko dakani Meghalaya-o gital dakbewal ong·genchimoba, uandakgipa bosturangko manderang bang·en jakkalenga aro uandaken jilla-kaaniko dakgipa manderangna bang·a chu·sokanirang ong·aha. Meghalaya-o nambatgipa dud aro uandakgiparangko on·gipa dingtang dingtang kamrangna jakkalanio bilakbatgipa rokkomni matchu-matmarang donga. Ianoni bang·bata rokomrangan ta·rake dal·ninggipa, bang·a dud aro be·enrangko on·na man·gipa aro nangani kri jakkalna rakgipa ong·a. Mande ra·ako man·a kragipa skotong minister Pa Conrad K Sangma-ni a·bachengatgipa Meghalaya Milk Mission, jilla-kaaniko gital dakenggipa manderangko community-based dairy cooperative society-rang jilramrangko bak ra·na didie, Indiani White Revolution gita dakna jotton ka·enga. Ia Mission-ni ning·o, ge 66 dairy co-operative society-rang, sak 588 manderang aro uamangni mang 1,066 jilla-kaanirangna kror 25.4 tangkarangko on·ne dakchakaha. Ia mission-ni miksonganiara dud aro uandakgiparangko tarie palna, jilla-kaaniko dakenggipa game cha·giparangna rongtal an·tale dakbewalo dudrangko ong·ate songrango janggi tanganirangko namdapatna dakanian ong·a. Meghalaya-o songdonggiparangni janggi tangani gadang aro cha·a ringaniko namdapatna, a·dok Sorkari kror 209-ni Piggery Mission-ko a·bachengataha, jean ge 25,000 nokdangrangna nambata tangka man·ani cholrangko on·aha. Piggery Mission-chi a·doko wak be·en man·aniko nambate dakna miksongenga. Ia mission-ni skanggipa dakna miksonganiara Meghalaya gimiko baigipa, bi·sa dugipa aro be·en dakgipa jilla-kaani biaprangko tarianian ong·a. Ia mission-chi ge 253 co-operative-rang gong kror 44.85 tangkarangko man·aha. Ge 1109 unit-rangko bi·sa dona aro ge 3866 unit-rangko be·en dakate jilna tikataha.
Meghalaya-o fishery ba na·tok jillanirang mingsa nangchongmotgipa chol ong·a aro iara game cha·giparangna na·tok jillani aro pala-sim·anichi janggi tangani cholrangko on·asan ong·aija, indiba dingtang dingtang gadangrango namgnirangko aro tourism-na dakchakaniko on·a, jekai nina nitogipa na·tokrangko jillani aro milsi pesusaani.
Meghalaya State Aquaculture Mission,
16,123 Metric Ton na·tokrangko 2020-21 bilsio man·aha.
30% ni gita na·tok man·anirang 2016-17 bilsina bate bariaha.
13.79 Metric Ton na·tok bitchirangko 2020-21 bilsio man·aha.
1,400 hactre-na bate dal·bata biaprango na·tok jildapna tariaha.
Sak 7,000 na·tok jilgiparang namgnirangko man·aha. Kror 378 tangkarangko Meghalaya State Aquaculture Mission 2.0-na tikataha.
Sorkari Meghalaya State Aquaculture Mission 2.0-ko gong kror 378 tangkarangko chame a·bachengataha. 2016–17 bilsirangko nisusagenchimode, 2020-21 bilsio na·tok man·ani 30% bariaha. 2020-21 bilsio, na·tok bitchirangko man·ani 13.79 Metric Ton-ona tang·doaha. Una agreba, 1,400 chirango na·tokrangko jilna gita chimonge donaha. Sak 7,000 na·tok jilgiparang da·o ong·enggipa Meghalaya State Aquaculture Mission-ni namgnirangko man·aha.
Bang·bata cholrangko ra·e jakkalna gita, na·tok jillani namgnirangko a·doko u·iatna ia mission-ni gita krenge kamko ka·enga, jekai biap aro kam ka·ani cholrangko dal·batatna, infrastructure development ba daka-rikanirangko namdapatna, biaptango man·gipa na·tokni rokomrangko ripinge rakkina jilchakanirang, aro kam ka·engipa manderangko bilakbate gisik nangbate kam ka·atna miksongenga.
Iana skang, Meghalaya-ni local poultry industry-o chu·sokanirang dongbrejachim, bitchi chi·gipa do·o mangprak bilsio rong 105 bitchirangsan chi·aiachim, indiba da·o namdapatgimin do·oni rokomrang bilsiprako mangprakan rong 200-230-na bate bitchirangko chi·enga ine parakataha. Nambata do•orangni rokomrangko ra·baani ja·mano, a·dokni State Poultry Development Program a·doko do·orangko bang·bate man·aniko bariatna krenge kam ka·enga. Do·orangko jille palna-sim·na, do·o jilgiparangna nambata cholrangko dake on·enga.
Mande ra·ako man·na kragipa a·dokni skotong minister Pa Conrad Sangma-ni dilanichi, Meghalaya sorkari silroro-namroroaniko ra•bana dingtang dingtang kamrangko jako ra·e ka•na jotton ka·enga, jekai Meghalaya Milk Mission, Piggery Mission, aro Meghalaya State Aquaculture Mission 2.0, iarangko dakanichi songrango bading-chiwalaniko apalbatatna aro songrango janggi tangani gadangko namdapatna jotton ka·enga.
Meghalaya a•dokni gamrango aro daka-rikanirango bilakna, an·tango pangchakna aro a·songo jilla-kaanirangko dakanio mongsonggipa ong·na miksonganiko chu·sokatna krenge kamrangko ka·enga ineba janapataha.