A•konggre Sepoy Colony-o niam gri chalaienggipa Biscuit Factory-ko TMB-ni manderang check ka•ea

0

Tura, June 15, 2022: A•konggre Sepoy Colony gittimo niam gri Dolphin Biscuit Factory-ko chalaiengani gimin re•anggipa June 9 tariko Sepoy Colony Development Committee (SCDC)-ni President Mitison D.Sangma, West Garo Hills a•jani DC, Tura Municipal Board (TMB) aro Meghalaya State Pollution Control Board (MSPCB)-na badi ka•e lekka sedoataha.

Mitison Sangma-ni parakatani gitade, niam gri gittim ning•ao biscuit factory-ko chalaiengani a•sel gittimni manderang namgijagipa wal•kuko chake namen neng•nikaniko man•engani gimin Dolphin Biscuit Factory-ko gipin biapchi ra•jitatchina ba dontongatchina DC-ko mol•molataha. Pringo biscuit factory-ni wal•kurang chimney gita ong•kate manderangni mikronna aro an•seng baljokanina namgijagipa sabisiko ong•atenga ineba janapataha.

Development Committee-ni lekka sedoatani gimin TMB-ni manderang, Development Committee-ni dilgiparang baksa Monggolbar salo Sepoy Colony gittimo niam gri chalaienggipa Dolphin Biscuit Factory (DBF)-ko nina ba check ka•na gita re•angaha. TMB-ni check ka•anio DBF ru•uta bilsirangna maming nangchongmotgipa lekkarang ba licence gri factory-ko chalaienga ine nikna gita man•aha.

Ua factory-oni bang•a wal•kurang ong•kate gittimni manderangna neng•nikaniko ong•atengani gimin, niam gri chalaienggipa biscuit factory-ko ta•rake chipatchina ba gipin biapchi ra•jitangchina Sepoy Colony Development Committee, TMB-ko mol•molataha.

Leave A Reply

Your email address will not be published.