Tura, June 15, 2022: Border Security Force (BSF) Budbar salo pekatgipa bosturangni bidingo mikrakatani program-ko ong•atangaha ine koborna u•iataha.
“A•songni sima arirango bang•a pekatani bosturangko bading chiwalani batroroenga aro iani bidingo jinmana mikrakataniko on•na nangchongmota. Bang•a chadamberangko indakgipa namgija bewalona majoaoni naljoke rakkina pekgipa bosturangni bidingo mikrakatna nanga” ine BSF officer saksa aganaha.
Ia mikrakatani program-o uamang rally-koba ong•atangjolaha aro chadamberangko indakgipa namgija kamoni chel•e dongchina didiangaha.
Ia programo bang•a songni chadamberang aro ma•a paarang bakko ra•angtokaha.