Williamnagar, June 28, 2022: All Garo Hills SSA School Teachers’ Association (AGHSSASTA) East Garo Hills Unit a•jani Deputy Commissioner-na lekka sedoangaha.
Uamangni janapatani gitade, Skul Managing Committee (SMC)-ni on•gipa appointment lettero District Mission Coordinator (DMC)-ni Memo Approval number dongja.
“Chinga East Garo Hills a•jani SSA skulo skienggiparangni appointment aro approval order meligrikjaenga. Chingko Skul Managing Committee Member (SMC)-rang appoint ka•aha, indake chingni appointment lettero District Mission Coordinator-ni on•gipa Coordinators’ Memo Approval number dongja. Gipin a•jani SSA skulo skigiparangni appointment lettero memo approval number-rang gnang. Indake ong•genchimode, maikai chingni appointment ordero memo approval number dongskaja? A•dokni SSA skulo skigiparangko RTE-ni dongimin niamrango pangchakesa chu•onga gita bida donggiparangkosa appoint ka•aha. Chinga appointment lettero District Mission Coordinator-ni on•gipa Memo Approval Number dongjani bidingo changni chang lekkarangko sedoatahachim indiba maming aganchakaniko man•ja. Chingni mol•molanirangko knachake kamko ka•angna nanga” ine AGHSSASTA-East Garo Hills Unit-ni Secretary aro President u•iataha.