District Level Inter School Football Tournament 2022-ko ong•atanga

0

Tura, June 28, 2022: District Level Inter Skul Subroto Mukherjee Football Tournament-ni bon•kamgipa kal•susaaniko Artificial Football Turf, Govt Boys’ Higher Secondary Skull, Chandmary-o ong•atangaha.

Ia kal•susaaniko West Garo Hills a•jani District Sports Office Department June 27 tariko ong•atangaha.

Ia kal•suaniko bilsi 14 aro bilsi 17 ong•gipa me•a aro me•chikrangna June 14 tarikoni 27 tarikona ong•atangaha. Knock out basis-ko ja•rike ia kal•susaaniko ong•atangaha aro match ge•sako 30+10+30 minute-na kal•susaangaha.

Kal•susaani bon•kamgipa salo, a•jani Deputy Commissioner Swapnil Tembe mongsonggipa sokgipa ong•e bakko ra•angaha aro chegipa dolnasan ong•aigija kal•susaanio nambate kal•giparangna certificate-rang aro boksisrangko suale on•angaha.

Bilsi 17 ong•gipa me•asarangni gisepo, Tura Don Bosco Higer Secondary Skul chegipa ong•aha. Uandake Rongkhon Secondary Skul Runner Up-ko man•angskaha. Raian D Sangma-ko Best Goalkeeper, Manrak S Sangma-ko Top Scorer, Smart R Marak-ko Player of the Tournament-na seokaha. Uamang sak gittaman Rongkhon Secondary Skuloni ong•a.

Under 14-o kal•susagipa me•a bi•sarangni gisepo, Government Boys’ Higher Secondary Skul (GBHSS) chegipa ong•skaha. Uandake Christian Boys Secondary Skul Tura (CBSS) Runner Up-ko man•angskaha. GBHSS-ni Wishheart S Sangma-ko Best Goalkeeper, Akim A Sangma-ko Player of the tournament, aro CBSS-ni Jenjimba Sangma-ko Top Scorer-na seokaha.

Uandake bilsi 17 ong•gipa me•chikrangni gisepo, Montfort Dilne Bolchugre chegipa ong•aha. Uandake Rongkhon Secondary Skul Runner Up ong•angskaaha. Montfort Dilne Bolchugre Skulni, Hellina Ch Marak-ko Best Goalkeeper, Gipanchi Ch Marak-ko Top Scorer, Silrime M Sangma-ko Player of the tournament na seokskaha.

WGH a•jani District Social Welfare Department, me•a aro me•chikrangna budu salgrikani ba tug of war-ko ong•atangaha. Me•asarangni gisepo Wadanang Secondary Skul cheaha aro Government Boys Higher Secondary Skul gnigipa ong•aha. Me•chikrangni gisepo Government Higher Secondary Skul chegipa ong•skaaha aro Wadanang Secondary Skul gnigipa ong•skaha.

International Day Against Drug Abuse and Illicit Trafficking-koba maniangjolaha aro District Social Welfare Officer, Hemaritha Ch Sangma chadamberangna drugs-ko jakkalani namgijako agantalatangaha aro nama ku•pattianirangkoba on•angjolaha.

Leave A Reply

Your email address will not be published.