Phulbari-ni NGO-rang Mukroh-o a•sel ong•e sianggiparangna kalimpaa  

0

Tura, Nov 25, 2022: Phulbari jolni nangrimgimin NGO-rang jekai GSU, FKJJGP, AYWO, West Jaintia Hills a•jani Mukkroh-o a•sel ong•e sianggipa manderangna kalimaniko dake, Assam pulis aro Forest guard-rangni kamko jegale namnikgijaniko mesokna Phulbari aro Chibinang bajaro salni 1 bajioni 3 bajiona dokanrangko chipattokaha.

FKJGP Phulbari Circle-ni President Dalseng Sangma, mikkangchi indake Assam pulisrang Meghalaya-ni manderangko so•ote galgenchimode, “Chinga ku•monganiko dake jatni issuna-na dakgrikanggen” ine aganangaha.

Unbaksana Phulbari GSU Phulbari Regional Unit-ni General Secretary Pangsrang A.Sangma-ba Assam pulisrangni niam gri Mukroh songona nape mande so•otaniko raken jegalangaha.

Mikkangchiba jatni issuna-na niam re•chakatangkugen ineba Pangsrang Sangma ku•mongenba, tom•tomme dokkan basarangko chiptokanina dokkan dakgiparangko mittele aganangaha. Meghalaya-ni issue-na, an•ching sakkantian jat basegija apsan ku•monge niamko ja•rikchina didiangaha.

Leave A Reply

Your email address will not be published.