Shillong, November 26, 2022: Batanggimin salrango Social Media-o ong•atanggipa Digital Poll-o 73% manderang Dr Mukul Sangma-ko namniktokbataha aro re•baenggipa 2023 bilsioba Skotong Minister ong•piltaianiko nangnike vote-ko on•na ka•dongaoenga.
Uandake, Skotong Miniater Pa Conrad Sangma-na 27% manderangsan Skotong Minister ong•aniko namnike vote-ko on•aha ine Meghalaya Trinamool Congress (TMC) parakataha.
“Skotong Minister Conrad Sangma-ni a•dokko name re•dilna changgijaniko nike, a•dokni manderang uni dilaniko nangnikjae, warachakenggipa ba Opposition TMC dolni dilgipa Dr Mukul Sangma-ni re•dilaniko nangnikipilenga ine nikna gita man•a, Digital Poll-o 73% manderang Dr Sangma-na vote-ko on•aha. Ian mikkangchi TMC dolna cheaniko mesoksoani chin ba sakki ong•enga” ine TMC dol parakataha.