Tura, June 17, 2022: Tura elekka-ni MDC Bernard N. Marak-ko Sukrobar salo Bharatiya Janata Party (BJP) dolni gita Garo Hills a•ja gimikni Convenor songaha ine u•iataha.
“BJP dolni angna on•gimin bilko jakkale, Article- XVll (1) aro (3)-o pangchake anga Tura-ni MDC Bernard Marak-ko Garo Hills a•ja gimikni Convenor songna kusi ong•a. Ua 2022-23 bilsiona Convenor ong•e dangdike on•anggen” ine BJP dolni State President Ernest Mawrie koborna parakataha.