Tura, March 10, 2022: BJP Tura City District Committee ia bilsio ong•atanggipa Assembly election-rango Manipur, Uttarankhand, Goa aro UP a•dokrango BJP dol bang•bate chena man•ahani gimin, Tura BJP Office-o kusi ong•e, maniangaha ine u•iataha.
Uandake dingtang dingtang a•dokrango BJP dolni namgipa kamrangko nike manderangni ku•monganichi BJP bilakbatroroe nambatroroaniko man•engaha ine parakatenba, re•baenggipa 2023 bilsini Meghalaya Assembly Election-o BJP dol bang•a seat-rango chena ka•dongsoenga ine Tura City District Committee-ni General Secretary Wilver Greham M.Danggo parakataha.
Meghalaya a•doko BJP dolan nambatgipa gadango ong•enga ine nikna man•a, maina BJP dol a•dokni manderangna bang•a namgnirangko ra•bana aro namroro silroroatna raken kamrangko ka•engani ineba parakataha.
BJP Ma•mong aro a•doko sason ka•na man•genchimode, da•o man•gijagipa dingtang dingtang scheme-rangko bang•bate ra•bana aro kangal chol gri manderangna dakchakaniko on•na aro a•doko corruption ong•aniko bon•atna miksonganian BJP dolni mongsongbatgipa kam ong•a ineba parakataha.
Indake elektion-rango cheaniara BJP dolni nambate songni nokni manderangna kam ka•ani a•selsa cheaniko man•aha ineba BJP dilgipa parakataha.