Tura, April 20, 2022: West Garo Hills a•jani NGO dol A•chik Youth Movement for Betterment of the Society (AYMBS) aro Garoland State Movement Committee (GSMC) dolni karimskarang budbar salni bak o GHADC ni Deputy CEM Nikman Marak na lekka sedoataha.
“Phulbari Bajar ni a•arang jean Council ni jak o gaakachim, ua a•arango gitalgipa project rangko ra•bae kamrangko a•bachengatna nanga. Mitam manderang ru•uta bilsirangna authority ni manderango raiko ra•chenggija dokkan rangko rike pale sime cha•enga unbaksana mitam manderang nokrangkoba niamgri rik•draenga. Uasan ong•aigija Bangsidua A•king Nokma ni ning•o donggipa a•a rango Assam a•dokni manderang niamgri napdraenba songdong a•chaenga, ian niamni kosako ong•a aro sorkarini see jote rakkigimin 6th Schedule ni niamko pe•a gita ong•a. Ia obostarangni bidingo nirok sandianiko dakna nangchongmota aro niamni kosako re•e ka•enggipa kamrangkoba dongdipatna nangchongmota” ine aganaha.